"Liverpul"un və Uels millisinin əfsanəvi hücumçusu Yan Raşın səhhətində ciddi problem yaranıb.
Redaktor.az "The Guardian" nəşrinə istinadla xəbər verir ki, 64 yaşlı keçmiş futbolçu ağır qrip infeksiyası səbəbindən reanimasiyaya yerləşdirilib və təxminən 48 saat süni tənəffüs aparatına qoşulu vəziyyətdə qalıb.
Məlumata görə, hazırda Raşın vəziyyəti stabilləşib və o, sağalma prosesinə başlayıb.
Xatırladaq ki, karyerası ərzində 15 il "Liverpul"un formasını geyinən hücumçu 660 oyunda 346 qolla klub tarixinin ən məhsuldar futbolçusudur.
