Cari ilin ilk on ayında dövlət büdcəsinin gəlirləri 32,9 milyard manat, xərcləri isə 27,7 milyard manat təşkil edib.
Valyuta.az xəbər verir ki, nəticədə büdcənin icrasında 5,2 milyard manat həcmində profisit yaranıb.
Bu göstərici ümumi daxili məhsulun 4,9 faizinə bərabərdir.
Müvafiq dövrdə büdcə xərclərinin əsas istiqamətləri arasında müdafiə və milli təhlükəsizlik, iqtisadi fəaliyyət, sosial müdafiə və təhsil sahələri aparıcı yer tutub.
Dövlət büdcəsində ən yüksək xərc istiqamətləri:
Müdafiə və milli təhlükəsizlik – 5 milyard 621,7 milyon manat
İqtisadi fəaliyyət – 5 milyard 10,0 milyon manat
Sosial müdafiə və sosial təminat – 3 milyard 740,2 milyon manat
Ümumi dövlət xidmətləri – 3 milyard 512,5 milyon manat
Təhsil – 3 milyard 468,9 milyon manat
Məhkəmə hakimiyyəti, hüquq-mühafizə və prokurorluq – 2 milyard 267,3 milyon manat
Əsas bölmələrə aid edilməyən xidmətlər – 1 milyard 456,9 milyon manat
Səhiyyə – 950,1 milyon manat
Kənd təsərrüfatı – 824,8 milyon manat
Mədəniyyət, informasiya, bədən tərbiyəsi və gənclər siyasəti – 416,7 milyon manat
Mayya Hüseynova
