"Real Madrid"in hücumçusu Kilian Mbappe Primeranın 17-ci turunda "Alaves"lə səfər matçının (2:1) 24-cü dəqiqəsində qol vurub.
Fanat.Az "Sports"-a istinadən xəbər verir ki, beləliklə, fransız forvard 2025-ci ildə Madrid komandasında 56-cı dəfə fərqlənib.
Mbappe "Real Madrid"də bir təqvim ilində qol vurmaq üzrə bütün zamanların rekordundan 3 qol geridədir. Kriştianu Ronaldu 2013-cü ildə 59 qol vurub.
İspaniya nəhənginin 2025-ci ilin sonuna qədər hələ iki oyunu var: Kral Kubokunda "Talavera" və La Liqada "Sevilya" ilə.
O, bu mövsüm Madrid klubunda 22 oyunda 26 qol vurub və 4 məhsuldar ötürmə edib.
Mbappe bu il Fransa millisində vurduğu qollar da daxil olmaqla, cəmi 63 qolla yadda qalıb.
