Misli Premyer Liqasında XV tura bu gün yekun vurulacaq.
Offsideplus.az xəbər verir ki, günün ilk oyununda "İmişli" Qubada "Karvan-Yevlax"ı qəbul edəcək.
Tərəflər arasındakı ilk dövrədəki matç "İmişli"nin qələbəsi ilə başa çatmışdı - 3:0.
Yevlax təmsilçisi son 8 oyunun hamısında məğlub olub.
Onlar hazırda 5 xalla sonuncu yerin sahibidir. Jorj Kaşkilya komandası isə 15 xalla 9-cu yeri tutur.
Misli Premyer Liqası, XV tur
15 dekabr (bazar ertəsi)
14:00 “İmişli” – “Karvan-Yevlax”
Hakimlər: Kamranbəy Rəhimov, Pərvin Talıbov, Zöhrab Abbasov, Vüqar Həsənli
VAR: İnqilab Məmmədov
AVAR: Namiq Hüseynov
Hakim-inspektor: Asim Xudiyev
AFFA nümayəndəsi: Eldəniz Musayev
Quba OİK stadionu
