Misli Premyer Liqasında XV turun oyunları keçirilir.
Fanat.Az xəbər verir ki, "Qarabağ" doğma meydanda "Araz-Naxçıvan" üzərində böyükhesablı qələbəyə sevinib.
Matçdan sonra keçirilən mətbuat konfransında Ağdam təmsilçisinin çalışdırıcısı Qurban Qurbanov fikirlərini jurnalistlərlə bölüşüb:
"Futbolçularımı təbrik edirəm. Çox vacib qalibiyyət idi. Oyunçuların intizamlı oynaması vacib idi. Sonlara yaxın 1-2 boşluqlar olsa da çox diqqətli və intizamlı oyun göstərdilər. Qarşımızda topa yaxşı nəzarət edən komanda olmasına baxmayaraq yaxşı performans göstərdik. "Araz-Naxçıvan"a uğurlar arzulayıram. Bu soyuq havada stadiondan bizi dəstəkləyən bütün azarkeşlərə təşəkkürümü bildirirəm"
