Misli Premyer Liqasının 15-ci turu çərçivəsində bu gün Yevlaxda "Qəbələ"ni 1:0 hesabı ilə məğlub edən "Kəpəz"in baş məşqçisi Azər Bağırov oyundan sonra keçirilən mətbuat konfransında fikirlərini bölüşüb.
Fanat.Az xəbər verir ki, "sarı-göylər"in çalışdırıcısı belə danışıb:
"Maraqlı oyun oldu. Bir qol vurulsa da, hər iki komanda çox sayda hücum qurdu. Yenə epizodlardan istifadə edə bilmədik. 6 yox, 9 xallıq oyun idi. Qələbə sayəsində "Karvan"dan aralandıq.
Bəzən 7, bəzən 6 yerli oyunçu ilə oynayırıq. Qolun müəllifi Ohori də bəzi digər futbolçular kimi inkişaf edir. Fərqli mövqelərdə oynadırıq.
Paçu niyə ehtiyatdan qoşuldu? Bu, taktiki plan idi. Ehtiram Şahverdiyevlə başlamağı uyğun saydıq. O da ikinci hissədə cinahda oynadı".
Nihat
