Məşhur təşk2ilatçı Eyyub Hüseynzadə və onun təsis etdiyi “Anadolu Events” şirkətinin təşkilatçılığı ilə bu gün Türkiyədən gələn məşhur müğənni Demet Akalın Konqres Mərkəzində keçiriləcək konsert öncəsi media nümayəndələri ilə görüşüb.
Doğru.az xəbər verir ki, müğənni konsert öncəsi jurnalistlərə açıqlama verərək tamaşaçılar üçün unutulmaz bir gecə vəd edib. Mügənni Demet Akalın bildirib ki, konsertdə həm klassik, həm də yeni repertuar təqdim olunacaq və hər kəs üçün maraqlı sürprizlər hazırlanıb.
Konsert yaxın saatlarda başlayacaq və musiqisevərlər üçün möhtəşəm anlar yaşadılacağı gözlənilir. Tədbir həm də Türkiyə və Azərbaycanın mədəni əlaqələrinin gücləndirilməsi baxımından xüsusi əhəmiyyət daşıyır.
DOĞRU.AZ
