Bollivud ulduzu Şah Rux Xan 13 dekabrda Kəlküttədə futbol əfsanəsi Lionel Messi ilə görüşəcək.
Publika.az xəbər verir ki, Hindistan film sənayesinin ən böyük ulduzu hesab olunan və "Kolkata Knight Riders" klubunun həmtəsisçisi olan aktyor bu barədə "X" sosial şəbəkəsində məlumat yayıb.
O, "Solt Leyk" stadionunda keçiriləcək tədbirdə iştirak edəcəyini bildirib: “13-də Salt Lake Stadionunda görüşərik” – deyə yazıb və həmin günün “tamamilə Messi” olacağı ilə bağlı zarafat edib.
Argentinalı ulduzun Kəlküttəyə səfəri "India Tour 2025" proqramının açılış gününə təsadüf edir. Messi bu çoxşəhərli tur çərçivəsində fan tədbirlərində, konsertlərdə, futbol turnirində iştirak edəcək və onun şərəfinə ucaldılacaq təxminən 21 metr hündürlüyündə heykəlin açılışında olacaq.
Hindistanın müxtəlif bölgələrindən, o cümlədən Heydərabad və Quvahati şəhərlərindən azarkeşlər artıq “sevinc şəhəri”nə axışır, biletlər əldə etməyə və ölkə futbolu üçün tarixi hesab olunan bu anın bir hissəsi olmağa çalışırlar.
