“Ukrayna PURL proqramı çərçivəsində ABŞ-dən təxminən 5 milyard dollar dəyərində silah alacaq. Bu, 2025-ci ilin sonuna qədər baş verəcək”.
Missiya.Az xəbər verir ki, bu barədə NATO baş katibinin müavini Radmila Şekerinska məlumat yayıb.
Onun sözlərinə görə, hazırda Ukraynanın ən təcili ehtiyaclarını ödəyən PURL mexanizmidir.
"Hücumdan müdafiə vasitələrinin əsas hissəsi Ukraynaya məhz PURL vasitəsilə gəlir - bu, sözün əsl mənasında həyatla ölüm arasındakı fərqdir", - deyə siyasətçi vurğulayıb.
Şekerinska bildirib ki, təchizatların logistikası Polşa və Rumıniyadakı mərkəzlər vasitəsilə davamlı işləyir. Paketlər Avropa müttəfiqləri və Kanada tərəfindən maliyyələşdirilir. Avstraliya və Yeni Zelandiya bu yaxınlarda təşəbbüsə qoşulub.
O həmçinin əlavə edib ki, genişmiqyaslı yardıma baxmayaraq, Ukraynanın hələ də daha çox hava hücumundan müdafiəyə ehtiyacı var və NATO ölkələrinin müdafiə sənayesi bu kəsiri ödəmək üçün istehsalı artırır.
Daşqın HəsənovMissiya.Az
