ain.az, Lent az saytına istinadən bildirir.
Xalq inanclarına görə bəzi ev bitkiləri o qədər güclü enerji yayır ki, evdə disbalans yaradaraq ailə harmoniyasını poza bilər. Bəzi növ otaq güllərinin kişi enerjisinə aqressiv təsir etdiyi, subay qadınların özünə uyğun partnyor tapa bilməsinə mane olduğu və ya evli kişilərin öz evində narahatlıq hiss etməsinə səbəb olduğu iddia olunur.
Ailə səadətinə mane olduğu deyilən bitkilər barədə məlumatı Lent.az xarici mediaya istinadla xəbər verir.
Deyilənlərə görə, bitkilər enerjinin daşıyıcılarıdır: bəxt gətirə bilərlər, lakin anlaşmazlığa da səbəb ola bilirlər. Kişi enerjisi üçün təhlükəli hesab edilən vazonlar evdə balanssızlıq yaradaraq kişinin əhvalına, uğuruna və öz evinə bağlılığına mənfi təsir edir.
"Qadağan olunmuş" lianalar: azadlığı məhdudlaşdıran bitkilər Ən çox mənfi enerji, sürünərək və ya dolaşaraq böyüyən bitkilərə aid edilir. Onlar kişi azadlığının "bağlanması" və "qarışması" ilə assosiasiya olunur.
Plyuş (Hedera). Bu kateqoriyanın ən tanınmış nümayəndəsidir. İnancalara görə, onun dolaşan quruluşu kişi enerjisini "bağlayır", subay qadınların evlənməsinə, ailəli insanların isə harmoniyada yaşamasına mane olur.
Xoya. Çiçəkləmə dövründə sahib olduğu güclü, dominant qadın enerjisi ilə bağlıdır. Belə hesab olunur ki, kişi öz evində özünü artıq hiss edə bilər və ailədə gərginlik yarana bilər.
Tsissus (Üzümvari plyuş). Plyuşa bənzədiyi üçün münasibətlərdə sabitliyin pozulması ilə əlaqələndirilir.
Tradeskansiya. Bu bitki qeybət, xırda mübahisələr və maddi çətinliklərlə bağlı inanclarla assosiasiya olunur ki, nəticə etibarilə ev harmoniyasının pozulmasına gətirə bilər.
Demək olar ki, bütün plyuş növlərinin kişilərə mənfi təsir etdiyi iddia olunur. Ezoteriklərə görə, bu bitkilər kişilərdə xəyanət düşüncəsini artıra və onları evdən uzaqlaşdırmağa təkan verə bilər.
Monstera. Kişi enerjisinə mənfi təsir göstərdiyi, evə uğursuzluq və xoşagəlməz hadisələr cəlb etdiyi güman olunur.
Paporotnik. Ev bitkiləri arasında ən güclü "enerji vampiri" sayılır. Sağlamlığı və enerjini sovurduğu haqqında inanclar mövcuddur.
Gizli gərginlik və ehtiras çiçəkləri - Bu bitkilər enerji baxımından qeyri-stabil hesab edilir.
Hibiskus (Çin qızılgülü). Çiçək ehtirası simvolizə etsə də, çox aktiv çiçəkləmə münasibətlərdə dəyişkənlik yarada bilər və nəticədə kişidə soyuqluq və ya xəyanət ehtimalı artdığı deyilir.
Dieffenbaxiya. Onun haqqında olan inanclar zəhərli şirəsi ilə bağlıdır. Gizli təhlükə enerjisi daşıdığı düşünülür və evdə səbəbsiz gərginlik, xəstəlik və ya mübahisələrə yol aça bilməsi ilə əlaqələndirilir.
Kallalar. Sevilən çiçək növü olsa da, evə və münasibətlərə problem və çətinlik çəkdirdiyi iddia olunur.
Mənfi enerjini necə neytrallaşdırmaq olar
Xalq inanclarında bu bitkilərdən imtina etmədən enerji balansını qorumağın yolları təqdim olunur.
Balanslaşdırma. Problemli hesab edilən bitkiləri kişi enerjisini gücləndirən çiçəklərlə tarazlaşdırmaq tövsiyə olunur. Məsələn, Anturium (kişi xoşbəxtliyi) və ya Sansevieriya güclü qoruyucu hesab edilir.
Yerləşdirmə. Bu bitkiləri yataq otağında saxlamaq məsləhət görülmür. Çünki bu otaq cütlüklər üçün ən həssas sahə sayılır. Onları qonaq otağı və ya mətbəxdə yerləşdirmək daha uyğundur.
Enerji bağlanması. Əgər bitki kişidən hədiyyədirsə, onun mənfi enerji təsiri xeyli azalır.
Sonrakı hadisələr barədə daha çox məlumat almaq üçün ain.az saytını izləyin.
