Rusiya xarici işlər naziri Sergey Lavrovun sözlərinə görə, Avropa ölkələri Ukrayna hakimiyyətini “səhvsiz” hesab edir və bu, onların danışıqlarda sağlam düşüncəsinə və faydalılığına şübhə yaradır.
O, Rusiyanın Avropa ölkələrinə hücum etmək niyyətində olmadığını və bunu kollektiv təhlükəsizlik zəmanətlərinin bir hissəsi kimi yazılı şəkildə sənədləşdirməyə hazır olduğunu əmin edib. Lavrov Rusiyanın avropalılardan fərqli olaraq” sülh üçün siyasi iradəyə malik olduğunu iddia edib. O əlavə edib ki, Avropa “militarist qəzəb” içindədir və əgər onlar savaşmaq qərarına gəlsələr, Rusiya “hətta indi də” hazırdır. Lakin nazir əlavə edib ki, Rusiya hakimiyyəti NATO üzvlərinə və ya Aİ ölkələrinə qarşı “heç bir aqressiv plana” sahib deyil.
Sergey Lavrov Ukraynadakı nizamlama ilə bağlı səfirlərlə dəyirmi masa müzakirəsində bildirib ki, “müvafiq zəmanətləri yazılı şəkildə, hüquqi sənəddə sənədləşdirməyə hazırıq. Təbii ki, kollektiv və qarşılıqlı əsasda”.
Qeyd edək ki, dünən Ukrayna hakimiyyəti ABŞ prezident administrasiyasına Amerika tərəfindən təklif olunan sülh planının yenidən işlənmiş versiyasını təqdim edib. “Bloomberg”in məlumatına görə, Ukraynanın Avropa müttəfiqləri üç bənd üzərində işləyirlər ki, bunlardan biri Kiyev üçün təhlükəsizlik zəmanətlərini əhatə edəcək. Vaşinqton sülh planının 25 dekabr Milad bayramına qədər təsdiqlənəciyini gözləyir.
//Samir Qurbanov, Editor.az
