ain.az xəbər verir, Bizimyol saytına əsaslanaraq.
Gürcüstan Dövlət Təhlükəsizliyi Xidməti, İsrail nümayəndə heyətinin səfərinin terror hücumu təhlükəsi səbəbindən ləğv edildiyi barədə yayılan xəbərləri təkzib edib.
Bizimyol.info xəbər verir ki, bəzi KİV-lərdə Knesset üzvlərinin Tbilisiyə getməyəcəyi barədə məlumat yayılıb. Bu məlumatda terror hücumu təhlükəsi səbəbi göstərilib.
Biznesmen və Gürcüstan-İsrail Ticarət Palatasının rəhbəri İtsik Moşe "Azadlıq Radiosu"na verdiyi şərhdə bu məlumatı təsdiqləmişdi. Lakin, Gürcüstan Dövlət Təhlükəsizliyi Xidməti bu məlumatları təkzib edib.
Gürcüstan və İsrail xüsusi xidmət orqanları Gürcüstanda terror hücumları ilə bağlı heç bir təhlükə barədə məlumat almadıqlarını bildiriblər. Həmçinin, İsrail kəşfiyyat nümayəndələri, yayılmış yanlış məlumatlardan təəccübləndiklərini ifadə ediblər. Dövlət Təhlükəsizliyi Xidməti bununla bağlı açıqlamasında, belə məlumatların bəzi gürcü KİV-ləri tərəfindən yoxlanılmadan yayılmasının çox təəssüf doğurduğunu və doğru olmadığını qeyd edib.
Qadir, Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
