Ajans.az xəbər verir ki,hazırda resurs iki seçim təqdim edir: Trampın “qızıl” kartı və “platin” kartı. Qızıl kart üçün müraciət etmək istəyənlərdən 15.000 dollar məbləğində ödəniş tələb olunur ki, bu da Daxili Təhlükəsizlik Departamenti tərəfindən göstərilən emal xidmətlərinin haqqını əhatə edir. Platin kartın isə yaxın zamanda istifadəyə veriləcəyi gözlənilir. Xarici vətəndaşlar indi qeydiyyatdan keçərək gözləmə siyahısına yazıla bilərlər. Məlumatda bildirilir ki, proqram işə düşdükdən sonra 15.000 dollar emal haqqı və 5 milyon dollar ianə ödəyən şəxslər ABŞ-da il ərzində 270 günədək qala biləcək və xaricdən əldə etdikləri gəlirə görə vergi ödəməyəcəklər. Saytda həmçinin qeyd olunur ki, “xaricdən əldə edilən gəlirə görə ABŞ-da vergi ödəyən şəxslər (məsələn, ABŞ vətəndaşları və daimi məskunlaşmış əcnəbilər) Tramp Platin Kartına müraciət edə bilməzlər”.
