Məhkəmə ekspertizası sahəsində dövlət standartları hazırlanıb qəbul ediləcək.
APA xəbər verir ki, bu, Prezident İlham Əliyevin Sərəncamı ilə təsdiq edilən “Azərbaycan Respublikasında məhkəmə ekspertizası sahəsinin inkişafına dair 2026 ─ 2030-cu illər üçün Konsepsiya”sında əksini tapıb.
Sərəncama əsasən, Ədliyyə Nazirliyi, Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi, Səhiyyə Nazirliyi, Daxili İşlər Nazirliyi, Müdafiə Nazirliyi 2026 ─ 203-cu illər ərzində standartlaşdırma üzrə texniki komitə tərəfindən dövlət standartları layihələrinin hazırlanmasını, dövlət standartları layihələrinin razılaşdırılmasını və dövlət standartlarının qəbulu, dövlət reyestrinə və fonduna daxil edilməsini təmin etməlidir.
