ain.az, Bizimyol portalına istinadən məlumat yayır.
Ukraynanın Təhlükəsizlik Xidmətinin xüsusi əməliyyatlar mərkəzinin "Alfa" döyüşçüləri, "Lukoyl-Nijnevoljskneft" şirkətinə məxsus Filanovski adını daşıyan neft hasilat platformasını pilotsuz uçan aparatlar (PUA) ilə hədəf alaraq zərbə vurub, nəticədə onlarla quyuda neft hasilatını dayandırıblar.
Bizimyol.info xəbər verir ki, bu barədə Ukrayna mətbuatına xüsusi xidmət orqanlarında olan mənbə məlumat verib.
Qeyd olunur ki, bu, Ukraynanın Xəzər dənizində Rusiyanın neft hasilatı ilə bağlı infrastrukturuna vurduğu ilk zərbədir. “Məqsəd olan platformaya ən az dörd dəfə zərbə endirilib. Hücum nəticəsində 20-dən çox quyudan neft və qaz hasilatı dayandırılıb,” – deyə mənbələr bildirirlər.
Filanovski yatağı – Rusiya və Xəzər dənizinin rus sektoru üzrə ən böyük kəşf edilən yataqlardan biridir. Yatağın ehtiyatları 129 milyon ton neft və 30 milyard kubmetr qaz təşkil edir.
“Xəzər dənizindəki partlayış – Rusiyaya bir daha xatırlatma oldu ki, müharibə ilə bağlı fəaliyyət göstərən bütün müəssisələr qanuni hədəfdir. Harada yerləşmələrindən asılı olmayaraq,” – deyə mənbə əlavə edib.
Dekabrın 11-də gecə Ukrayna PUA-ları növbəti dəfə Rusiyanın enerji obyektinə zərbə endiriblər. Bu dəfə partlayış Smolensk vilayətindəki Dorogobujskaya elektrik stansiyasında baş verib.
Bir həftə əvvəl isə PUA-lar Sızransk Neft Emalı Zavodunu (NEZ) yenidən yoxlayıblar. Hücum nəticəsində zavod neft emalını təxminən bir ay müddətinə dayandırıb.
Eyni gün dronlar Rusiyanın Krasnodar vilayətindəki Temryuk limanına zərbə endirib. Nəticədə yanacaq anbarları alışıb.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
