Azpolitika.az portalından əldə olunan məlumata əsasən, ain.az xəbər verir.
Ukrayna Prezidenti Volodimir Zelenski ölkəsinin iqtisadi bərpası ilə bağlı ABŞ ilə aparılan danışıqlar haqqında məlumat verib. Dövlət başçısının sözlərinə görə, onlayn formatda keçirilən görüş “çox məhsuldar” olub.
Vaşinqton tərəfdən danışıqlarda ABŞ maliyyə naziri Skott Bessent, prezidentin xüsusi nümayəndəsi Cared Kuşner və amerikalı maliyyəçi Larri Fink iştirak edib.
Zelenski teleqramda yazıb ki, bu görüş faktiki olaraq Ukraynanın bərpası və iqtisadi dirçəlişi ilə bağlı sənəd üzərində işləyəcək qrupun ilk toplantısı hesab oluna bilər:
“Bərpa prosesinin əsas elementlərini, müxtəlif mexanizmləri və rekonstruksiya konsepsiyalarını müzakirə etdik. Çoxlu ideyalar var və düzgün şəkildə yanaşılsa, onların reallaşdırılması mümkündür”.
20 maddəlik çərçivə sənədi və təhlükəsizlik məsələləri
Ukrayna lideri bildirib ki, görüşdə eyni zamanda müharibənin dayandırılması ilə bağlı 20 bənddən ibarət çərçivə sənədi də müzakirə olunub: “Ümumi təhlükəsizlik iqtisadi təhlükəsizliyi müəyyən edəcək və əlverişli biznes mühitinin yaranmasına zəmin yaradacaq”, – deyə o vurğulayıb.
Zelenskinin sözlərinə görə, Ukraynanın iqtisadi bərpası ABŞ Prezidentinin təqdim etdiyi müharibənin dayandırılması planının əsas hissələrindən biridir.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
