Ağdam, 11 dekabr, Tahir Ağaməmmədov, AZƏRTAC
Bu gün bizim üçün bayramdır, unudulmaz gündür. Torpaqlarımız azad olunandan sonra hamımız bu günü gözləyirdik. İndi yeni həyatımız başlayır.
Bu sözləri Ağdamda AZƏRTAC-ın bölgə müxbirinə açıqlamasında Xocalının Ballıca kəndinə köç edən keçmiş məcburi köçkün Təranə Rzayeva deyib.
“Nəhayət ki, köçkünlük həyatı arxada qalır. Vətən həsrəti ilə keçirdiyimiz illərdə çox çətinliklər çəkmişik. İndi isə bizi doğma torpaqlarda yeni həyat, yeni ümidlər gözləyir”, - deyə o bildirib.
