2025-ci ilin əvvəlindən bəri ABŞ 2,5 milyon xarici vətəndaşı deportasiya edib. Onlardan 1,9 milyonu deportasiya proqramı çərçivəsində ölkəni könüllü olaraq tərk edib. 600.000-i isə məcburi şəkildə deportasiya edilib.
AzPost bildirir ki, bu barədə ABŞ Daxili Təhlükəsizlik Departamenti (DHS) məlumat verib.
Departament açıqlamasında bildirib ki, ABŞ-ı tərk edən sənədsiz immiqrantların ümumi sayı 2,5 milyonu keçib.
DHS əlavə edib ki, bu deportasiyaların sayı yalnız başlanğıcdır.
Oktyabrın əvvəlində Daxili Təhlükəsizlik Katibinin köməkçisi Trisiya Maklaflin ABŞ Prezidenti Donald Trampın andiçmə mərasimindən bəri hüquq-mühafizə orqanlarının əməkdaşları 500.000-dən çox sənədsiz immiqrantı saxlayıb deportasiya edib, daha 1,6 milyonu isə ölkəni könüllü olaraq tərk edib. Maklaflin ABŞ-ın müvafiq qurumlarının deportasiyaların tempini artırmaq niyyətində olduğunu vurğulayıb.
Donald Tramp dəfələrlə bildirib ki, vəzifəyə başlamazdan əvvəl ölkəyə təxminən 25 milyon insan qanunsuz daxil olub. Amerika lideri dəfələrlə daha sərt immiqrasiya siyasətinin tərəfdarı olub. Andiçmədən sonra o, ABŞ-Meksika sərhədində fövqəladə vəziyyət elan edən sərəncam imzalayıb. Tramp ABŞ tarixində qanunsuz immiqrantların ən böyük deportasiya əməliyyatını həyata keçirmək niyyətində olduğunu qeyd edib.
