Ermənistanın Baş naziri Nikol Paşinyanın təyyarəsi hava məkanının bağlı olması səbəbindən Moskvaya enə bilməyib və alternativ aerodroma yönləndirilib.
Modern.az bu barədə Ermənistan KİV-ə istinadən xəbər verir.
Qeyd edək ki, ötən gecə Rusiyanın paytaxtı dron hücumuna məruz qalıb. Moskva hava limanlarında 170-dən çox uçuş təxirə salınıb.
Paşinyanın təyyarəsi daha sonra Pulkovo hava limanına (Sankt-Peterburq) enib.
Qeyd edək ki, Ermənistanın baş naziri Almaniyaya səfərindən sonra Moskvaya uçub. O, Avrasiya İqtisadi Birliyinin Hökumətlərarası Şurasının iclasında iştirak etməyi planlaşdırır.
