ABŞ Konqresi NATO-dan çıxmağı nəzərdə tutan qanun layihəsini səs verməyə çıxaracaq.Metbuat.az xəbər verir ki, qanun layihəsi Kentukkidən olan respublikaçısı Tomas Massi tərəfindən irəli sürülüb. Mətn və məqalələr Massinin şəxsi veb saytında dərc edilib. Məqalədə Avropa tənqid olunur və NATO "Soyuq müharibə”dən qalan köhnəlmiş struktur kimi təsvir edilir. Qanun layihəsi NATO-nu “Soyuq müharibə”nin qalığı hesab edir və Avropanın öz müdafiəsini maliyyələşdirməli olduğunu iddia edir. Massi iddia edir ki, ABŞ varlı Avropa ölkələrinin müdafiə ianələrini ödəmədiyi mühitdə dünya təhlükəsizliyinin qarantı olmamalıdır. Xəbərdə deyilir ki, Tomas Massinin təklifi qəbul edilərsə, Prezident Donald Tramp ittifaqdan çıxdığını elan edən bəyanat verməli olacaq.
