“Qarabağ”ın U-19 komandası UEFA Gənclər Liqasının Liqa mərhələsində sonuncu – 6-cı tur matçına çıxıb.
İdmanxeber.az xəbər verir ki, Rəşad Sadiqovun baş məşqçisi olduğu kollektiv evdə “Ayaks”la üz-üzə gəlib.
“Azərsun Arena”da keçirilən görüş Niderland təmsilçisinin 8:0 hesablı qələbəsi ilə yekunlaşıb.
Qeyd edək ki, “Qarabağ”ın U-19 komandası turnir cədvəlində sonuncu – 36-ci yeri tutur. “Ayaks” isə 10 xalla 13-cüdür. Cədvələ 16 xala malik “Çelsi” başçılıq edir.
