ain.az bildirir, Bakivaxti saytına əsaslanaraq.
Heydər Əliyev Fondunun təşkil etdiyi “İncəsənət” Uşaq Festivalında tanınmış vokal müəllimi Aybəniz Haşımovanın tələbələri növbəti dəfə yüksək nəticə göstəriblər.
Bunu Bakıvaxtı.az-a Əməkdar artist Aybəniz Haşımova bildirib.
Onun sözlərinə görə, sənətkarın tələbələri Nərmin Nərimanlı, Davud Nəsəvli və Raul Hüseynov akademik vokal üzrə öz yaş qruplarında I yerə layiq görülüblər.
Gənc ifaçıların bu uğuru müəllimləri tərəfindən böyük sevinclə qarşılanıb.
Aybəniz Haşımova onların bu uğurunu feysbuk hesabında paylaşıb:
"Onların hər birini ürəkdən təbrik edirəm! Əməkləri, zəhmətləri, sevgiləri və istedadları mükafatını aldı.Əziz evladlarım,sizinlə qürur duyuram!"
Xatırladaq ki, bir müddət öncə Amerikada keçirilən 9-cu Florida Keys Beynəlxalq Musiqi müsabiqəsində Əməkdar artistin daha iki tələbəsi qalib olmuşdu.
Zeynəb Rzayeva
Sonrakı hadisələr barədə daha çox məlumat almaq üçün ain.az saytını izləyin.
