Rusiya Prezidenti Vladimir Putin şəhərdə kortejsiz hərəkət edərkən bəzən özü sükan arxasına keçir.
Publika.az xəbər verir ki, bu barədə Rusiya liderinin mətbuat katibi Dmitri Peskov TASS-a məlumat verib.
“Fərqli olur”, — deyə Kremlin nümayəndəsi suala cavab olaraq bildirib. O deyib ki, dövlət başçısı bəzən özü sükan arxasına keçir, bəzən isə sadəcə hərəkətə məhdudiyyət qoyulmayan avtomobildə gedir.
Ötən gün Putin Vətəndaş Cəmiyyəti və İnsan Hüquqları üzrə Şuranın (VCİHŞ) iclasında bildirib ki, bəzən “sakit” şəkildə, siqnallar və kortejsiz hərəkət edir.
