24 dəfə “Böyük Dəbilqə” qalibi serbiyalı tennisçi Novak Cokoviç 2026-cı il futbol üzrə dünya çempionatının qalibi ilə bağlı fikirlərini açıqlayıb.
90deqiqe.Az xəbər verir ki, onun sözlərinə görə, final qarşılaşmasında Portuqaliya və Meksika milliləri üz-üzə gələcək, lakin titul Portuqaliyaya qismət olacaq.
“Cəsarətli olacam: Portuqaliya. Onlar finalda Meksikaya qalib gələcəklər”, — deyə Cokoviç ESPN-ə danışıb.
Qeyd edək ki, Çempionat-2026-nın qrup mərhələsinin püşkü artıq baş tutub. Portuqaliya K qrupuna düşüb və Uzbəkistan, Kolumbiya və A yolu qalibi — Yeni Kaledoniya, Yamayka və ya Konqo Demokratik Respublikasına qarşı oynayacaq. Meksika isə ev sahibi olaraq A qrupunda Cənubi Afrika, Cənubi Koreya və D yolu qalibi — Çexiya, İrlandiya, Danimarka və ya Şimali Makedoniya ilə qarşılaşacaq.
