Tayland ordusu Kamboca qüvvələrinin Taylandın sərhəd bölgələrinə BM-21 raketləri atdığını bildirib.
Bəyanatda iddia edilir ki, Kamboca ordusu dəfələrlə hücumlara başlamasına baxmayaraq, dünyaya özünü qurban kimi göstərmək üçün toqquşmaları lentə alır: “Kamboca Taylandın dörd sərhəd bölgəsinə BM-21 raketləri atıb. İkinci Ordu suverenliyin müdafiəsi üçün qisas alır”, – deyə bəyanatda deyilir. AFP-nin Kamboca Müdafiə Nazirliyinə istinadən verdiyi məlumata görə, bazar ertəsindən bəri Taylandın atəşə tutulması nəticəsində ölənlərin sayı altı nəfərə çatıb.
İki ölkə arasındakı sərhəddə vəziyyət dördüncü gündür pisləşir. Hər iki tərəf bir-birini atəşkəsi pozmaqda ittiham edərək, əsasən minalar və çoxsaylı raketlərlə qonşu ərazilərə atəş açmağı gücləndirib
//Samir Qurbanov, Editor.az
