ABŞ Prezidenti Donald Tramp bildirib ki, administrasiyası Latın Amerikasında narkotik ticarəti ilə bağlı hədəflərə qarşı başladığı hərbi əməliyyatları daha da genişləndirmək imkanına malikdir.
AFN.az xəbər verir ki, o bu barədə “Politico”ya müsahibəsində danışıb.
Tramp ABŞ qoşunlarının Venesuelaya daxil olması ehtimalını istisna etməyib. O, Venesuela lideri Nikolas Maduronu narkotiklərin ixracı və cinayətkarların ABŞ-a keçməsində iştirakda ittiham edir.
“Bu barədə müsbət və ya mənfi qərar vermək istəmirəm. Bu mövzuda danışmıram. Hərbi strategiya barədə sizinlə danışmaq istəmirəm,” – deyə Tramp əsgəri qüvvələrin yerləşdirilməsi barədə danışarkən bildirib və əlavə edib.
Bununla yanaşı, o, narkotik ticarətinin aktiv olduğu digər ölkələrdə, o cümlədən Meksika və Kolumbiyada hədəflərə qarşı güc tətbiqini nəzərdən keçirəcəyini söyləyib.
