Böyük Britaniyada “meymunçiçəyi” virusunun yeni rekombinant variantı müəyyən edilib.
Missiya.Az xəbər verir ki, bu barədə Birləşmiş Krallığın Səhiyyə Təhlükəsizliyi Agentliyi (UKHSA) məlumat yayıb.
Məlumata görə, yeni variant Asiyaya səfər etmiş bir şəxsdə aşkarlanıb və Clade Ib ilə Clade IIb genetik xüsusiyyətlərinin birləşməsini daşıyır. UKHSA qeyd edib ki, hər iki Clade-dən virusun dövriyyədə olması nəzərə alınaraq, bu vəziyyət gözlənilən hesab olunur.
Dr. Katy Sinka bildirib ki, virusların təkamülü normaldır və əlavə təhlillər mpox-un dəyişməsini daha yaxşı anlamağa kömək edəcək. O, həmçinin vurğulayıb ki, xəstəlik bir çox insan üçün yüngül keçə bilər, lakin peyvənd olunmaq özünü qorumağın ən təsirli yoludur.
Seyranə QuliyevaMissiya.Az
