“Sepah”-a bağlı media orqanları İranın sabiq prezidenti Həsən Ruhanini və ona yaxın şəxsləri “İsrailə xidmət göstərməkdə” ittiham ediblər. Bu ittihamlar, Ruhaninin bir həftə əvvəlki çıxışlarından sonra səslənib. Həmin çıxışlarda o, İranın öz hava məkanını qorumaq və yeni hücumların qarşısını almaq qabiliyyətinə şübhə ilə yanaşdığını qeyd etmişdi.
Yenicag.az xəbər verir ki, “Sepah”ın əsas media qurumlarından biri olan “Tasnim” agentliyi, Ruhaninin son çıxışına və müharibənin təkrarlanmaması üçün irəli sürdüyü tövsiyələrə kəskin etiraz edib.
