"Növbəti görüşün İrəvanda, yaxud Bakıda keçirilməsi planlaşdırılır. Qarşılıqlı surətdə məqbul həll yolu tapmaq üçün müzakirələr aparırıq. Müəyyən nəticəyə gəlsək, ictimaiyyətə məlumat verəcəyik".
 |
| Ceyhun Bayramov Əraqçi ilə görüşüb |
Xatırladaq ki, Azərbaycanın xarici işlər naziri Ceyhun Bayramov dünən iranlı həmkarı Abbas Əraqçi ilə birgə mətbuat konfransında bu məsələyə toxunub. Onun sözlərinə görə, rəsmi Bakı "3+3" formatı çərçivəsində növbəti görüşün əvvəlcə Azərbaycanda, ardınca isə Ermənistanda keçirilməsi təklifinin irəli sürüldüyünü diqqətə çatdırıb:
"Təəssüf ki, İrəvan göstərilən ardıcıllıqla razılaşmadı".
"3+3" formatı regiondakı ölkələrlə (Azərbaycan, Ermənistan, Gürcüstan) Cənubi Qafqazı əhatələyən dövlətlər (Rusiya, Türkiyə, İran) arasında məsləhətləşmələr aparılması məqsədilə yaradılıb. Format üzrə indiyədək axırıncı görüş 2024-cü ilin oktyabrında Türkiyənin İstanbul şəhərində baş tutub.
Firudin Həmidli
AzVision.az
