Creditreformun araşdırmasına görə, 2025-ci ildə iflas üçün müraciət edən şirkətlərin sayının 23.900-ə çatacağı təxmin edilir. Almaniyada davam edən iqtisadi tənəzzül səbəbindən şirkətlərin iflasının bu il 2014-cü ildən bəri ən yüksək səviyyəyə çatacağı , 23.900 şirkətin iflasa uğraması gözlənilir.

Bu il iflasa uğrayan şirkətlərin sayının ötən illə müqayisədə 8,3 faiz artaraq 2014-cü ildən bəri ən yüksək səviyyəyə çatacağı gözlənilir. 2014-cü ildə Almaniyada təxminən 24.100 şirkət iflasa uğrayıb.Bundan əlavə, 2023-cü ildəki 22,9 faizlik və 2024-cü ildəki 22,5 faizlik artımla müqayisədə bu il iflasların artması xeyli yavaş olacaq.

Korporativ iflas sənədləri ilə bağlı kreditorlara proqnozlaşdırılan borc 57 milyard avro təşkil edəcək. Keçən il bu borc təxminən 59,1 milyard avro idi.

Bu il təxminən 285.000 işçinin korporativ iflaslardan təsirləndiyi təxmin edilir.

Korporativ iflaslara əlavə olaraq, 2025-ci ildə 76.300 borclunun şəxsi iflas üçün müraciət etməsi gözlənilir. Bu rəqəm 2016-cı ildən bəri ən yüksək göstəricidir və 2024-cü illə müqayisədə 6,5 faizlik artım deməkdir.


Almaniya hökumətinin infrastruktur və müdafiə sahələrinə planlaşdırdığı investisiyaların gələn il iflas hallarının daha da artmasının qarşısını almayacağı, Almaniya iqtisadiyyatının rəqabət qabiliyyətini itirməyə davam etdiyi və yüksək xərclər, bürokratiya və davam edən iqtisadi zəifliyin yeni iflaslara yol açdığı vurğulanır.
Araşdırmaya daxil edilmiş Creditreform İqtisadi Tədqiqatlar Departamentinin rəhbəri Patrik-Lüdviq Hantzş bildirib ki, "Bir çox müəssisə çox borcludur, yeni kreditlər almaqda çətinlik çəkir və enerji qiymətləri və qaydalar kimi struktur yüklərlə mübarizə aparır. Bu vəziyyət, xüsusən də kiçik və orta müəssisələrə (KOBİ) ciddi təzyiq göstərir və nəticədə bir çox müəssisə üçün ölüm hökmü deməkdir".

Bu arada, Almaniya Federal Statistika İdarəsi (Destatis) 2025-ci il üçün rəsmi iflas sənədləri rəqəmlərini 2026-cı ilin mart ayında açıqlayacaq.

aia.az
Tərcümə şöbəsi

• Şirkət
• Almaniya
• Iflas
• Yüksek
• 2014