Özbəkistan ölkənin enerji mənzərəsini kökündən dəyişdirəcək ən böyük bərpa olunan enerji layihəsinə başlayır.
Newscenter.az xəbər verir ki, bu barədə "Euronews" məlumat yayıb.
Qeyd olunur ki, 9,46 milyard avroluq investisiya ilə ölkə 2026-cı ilə qədər hər bir evi təmiz elektrik enerjisi ilə təmin edəcək 42 obyekt tikməyi planlaşdırır. Bu, indiyə qədər ən böyük təşəbbüsdür və Özbəkistanın Orta Asiyada enerji və dayanıqlılığa yanaşmasını əhəmiyyətli dərəcədə dəyişdirəcək.
Layihə Prezident Şavkat Mirziyoyev tərəfindən Daşkənddə keçirilən "Davamlı Enerji - Yeni Özbəkistanın Gələcəyinə İnamlı Addım" forumunda elan edilib. Daşkənd gələn il elektrik enerjisinə olan ehtiyacını tamamilə yaşıl mənbələrdən ödəməyi vəd edir. Həyata keçiriləcək layihə nəticəsində ümumi enerji istehsalı 23 milyard kilovat-saata çatacaq və bütün ölkənin ehtiyaclarını ödəyəcək.
Layihəyə 16 yeni elektrik stansiyasının, enerji saxlama sistemlərinin, yarımstansiyaların və 420 km yüksək gərginlikli elektrik ötürücü xətlərinin tikintisi daxildir.
Süleyman
