Bizimyol saytına istinadən ain.az xəbər verir.
Gürcüstanın Baş naziri İrakli Kobahidze, xüsusilə Böyük Britaniyanın BBC telekanalının vəziyyətini "acınacaqlı" olaraq qiymətləndirib. O, BBC-nin əvvəllər yüksək nüfuza sahib olan bir yayım şirkəti olduğunu və indi saxta məlumatlar yayımladığını vurğulayıb.
Bizimyol.info xəbər verir ki, bu barədə o, Gürcüstanın mətbuat nümayəndələri ilə söhbətində bildirib.
"Bir vaxtlar yüksək nüfuz sahibi olan bir yayımçı saxta məlumatlar yayımlayarsa, bu, hər şeyi izah edir. Avropadakı kütləvi informasiya vasitələrinin vəziyyəti çox acınacaqlıdır və BBC-nin faciəvi vəziyyəti buna dair əlavə bir sübutdur", - deyə qeyd edib.
BBC 1 dekabr tarixində, Gürcüstan hökumətinin 2024-cü ildəki etirazçılara qarşı Birinci Dünya Müharibəsi zamanı istifadə olunan kimyəvi silahları tətbiq etdiyi barədə məlumat yayıb. Şirkət, fransız əsgərləri tərəfindən almanlara qarşı istifadə olunan "kamit" adlı maddənin istifadə olunduğunu iddia edib. Gürcüstan hökuməti isə BBC-ni yanlış məlumat yaymaqda ittiham edərək, şirkətə qarşı beynəlxalq məhkəmələrə müraciət edəcəyini bildirib.
Əvvəllər Gürcüstan Baş naziri İrakli Kobahidze BBC-nin materialını "ucuz təxribata" bənzəyən və hökuməti şantaj etmək məqsədilə yaradılmış bir şey olaraq qiymətləndirmişdi.
Sonradan Gürcüstanın Dövlət Təhlükəsizliyi Xidməti (DTX) məsələ ilə bağlı araşdırma apararaq, 2024-cü ilin sonlarında keçirilən etirazların dağıdılması zamanı Daxili İşlər Nazirliyinin tətbiq etdiyi kimyəvi maddələri müəyyən edib. DTX-nin verdiyi məlumata görə, bu maddələr qadağan olunmuş maddələr kateqoriyasına aid deyil və BBC-nin materialında göstərilənlərlə uyğun gəlmir. Araşdırma nəticələrinə görə, 2024-cü ilin dekabrında etiraz aksiyalarının dağıdılması zamanı polis xlorobenzilidino-malononitril maddəsini tətbiq edib, bu maddə su atıcılarında propilenqlikol ilə həll edilmişdir. DTX, qeyd olunan maddələrin heç birinin qadağan olunmuş maddələr kateqoriyasına daxil olmadığını bildirib.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
