ABŞ Prezidenti Donald Tramp Portuqaliya milli komandasının və Səudiyyə Ərəbistanının “Əl-Nasr” klubunun futbolçusu Kriştian Ronaldu ilə telefonla danışıb.
Publika.az xəbər verir ki, bu barədə o, "Truth Social" sosial şəbəkəsində məlumat verib.
Tramp Ronaldunun “əfsanəvi futbolçu” olduğunu qeyd edib və bildirib ki, o, “yalnız indi zəng edib” və bu həftə Ağ Evdə və Oval Ofisdə keçirilən ekskursiyaya görə təşəkkürünü çatdırıb.
Noyabrın 18-də Ronaldo Səudiyyə Ərəbistanının varisi Məhəmməd bin Salmanın şərəfinə Ağ Evdə təşkil olunan rəsmi naharın xüsusi qonaqlarından biri olub.
Ronaldo milli komandaların, Avropa çempionatlarının və Çempionlar Liqasının tarixində ən məhsuldar futbolçudur və rəsmi oyunlarda 900 qol həddinə çatan ilk oyunçudur. Portuqaliyalının aktivində Çempionlar Liqasında beş qələbə, 2016-cı il Avropa Çempionatı qızılı və UEFA Millətlər Liqasında iki titul var.
