Bakı, 6 dekabr, Göyçək Mahmudlu, AZƏRTAC
Gənclər siyasəti 2020-ci ildən sonra yeni mərhələyə qədəm qoyub.
AZƏRTAC xəbər verir ki, bunu jurnalistlərə açıqlamasında gənclər və idman nazirinin müavini İndira Hacıyeva deyib.
"Ona görə də gənclərin peşəkar iştirakçılığı gündəmə gətiriləcək. Bu o deməkdir ki, yüksək texnologiyalar, multikultural davranışlar, kommunikasiya sahələrində tədbirlər daha çox olacaq. Yenə də beynəlxalq tədbirlər gözləyirik. Əsas hədəflərimizdən biri də gənclər siyasətinin daha da təkmilləşdirilməsi, regionlarda yaşayan gənclərin yerli və beynəlxalq tədbirlərdə, yarışlarda fəallığının artırılmasıdır".
