Kişineu, 6 dekabr, AZƏRTAC
Moldova Xarici İşlər Nazirliyinin dəstəyi ilə Kişineuda Respublika Sarayında illik Xeyriyyə Diplomatik Yarmarkası keçirilib.
AZƏRTAC xəbər verir ki, xeyriyyə yarmarkasında Azərbaycanın Moldovadakı səfirliyi də milli stendlə təmsil olunub. Azərbaycan mətbəxinin nümunələri, milli suvenirlər və əl işləri təqdim edilib.
Tədbirdə Moldovadakı səfirliyimizin dəstəyi ilə Azərbaycanın mədəniyyəti, mətbəxi təbliğ olunub. Kişineu sakinlərinə, qonaqlara, xarici ölkələrin diplomatik nümayəndələrinə Azərbaycanın milli mətbəxindən milli məhsullarımız paylanılıb.
Tədbir zamanı digər ölkələrin diplomatik nümayəndəlikləri də öz milli-mədəni irsini və adət-ənənələrini təqdim ediblər.
Emil Hüseynli
AZƏRTAC-ın xüsusi müxbiri
Kişineu
