Türkiyə futbolunda kütləvi həbslər

AzVision.az Türkiyə mediasına istinadən xəbər verir ki, əməliyyat zamanı 16 əyalətdə 35 nəfər saxlanılıb. Onların arasında İstanbulun “Fənərbağça” futbol klubunun kapitanı Mert Hakan Yandaş, futbolçu Metehan Baltacı, keçmiş hakim və futbol şərhçisi Ahmet Çakar, hakim Zorbay Küçük də var.

Bundan başqa, “Ankarasspor” klubunun sahibi Əhməd Okatan, klubun prezidenti Mehmet Emin Katipoğlu, “Nazırlı Belediyespor” klubunun prezidenti Şahin Kaya, “Adanadamirspor” komandasının sabiq prezidenti Murat Sancak da saxlanılıb. Beş şübhəlinin xaricdə olması müəyyən edilib.

Məlumatda bildirilir ki, qeyri-qanuni mərc oyunları ilə bağlı istintaq ötən ay Türkiyə Futbol Federasiyasının prezidenti İbrahim Hacıosmanoğlunun sensasion bəyanatından sonra başlayıb. Bunun ardınca bir neçə tanınmış hakim həbs edilib.

Belə ki, Hacıosmanoğlu ötən həftə keçirdiyi mətbuat konfransında futbolda asayişin bərpasının yalnız hakimlərin saxlanması ilə bitməyəcəyinə eyham vurmuşdu.

“Futbol sferasında təmizləmə yalnız hakimlərə yönəlməməlidir. Bu baş verərsə, futbolun bütün istiqamətləri üzrə iş aparılmalıdır. Biz hakimlərlə başladıq, futbolçularla davam edirik. Bu araşdırmadan sonra həm özümüzün, həm də Türkiyə Futbol Federasiyasının yolunu təmizləyəcəyik”,- İbrahim Hacıosmanoğlu vurğulayıb.

Sahil İsgəndərov
AzVision.az