Fars körfəzindəki ərazi mübahisəsi diplomatik səviyyədə yenidən kəskinləşib. İran Xarici İşlər Nazirliyinin sözçüsü Esmail Baqayi Körfəz Əməkdaşlıq Şurasının (KƏŞ) BƏƏ-nin İran adalarına iddialarını dəstəkləyən daha bir açıqlamasına cavab verib.
Bu adalara 1971-ci ildən bəri İran tərəfindən nəzarət edilən, lakin Əmirliklər tərəfindən də iddia edilən Əbu Musa, Böyük Tunb və Kiçik Tunb daxildir. İran bu mövqeyi “əsassız və yalan” adlandıraraq BƏƏ-nin iddialarının hüquqi cəhətdən qeyri-legitimliyini vurğulayıb: “Ölkə ərazisinin bir hissəsinə əsassız iddiaların təkrarlanması coğrafi və tarixi reallıqları dəyişdirmir və iddiaçı üçün heç bir qanuni hüquq yaratmır”, – Esmail Baqayi bildirib
//Samir Qurbanov, Editor.az
