Bizimyol portalından alınan məlumata görə, ain.az xəbər verir.
"ChatGPT"nin pulsuz versiyası psixi sağlamlıq problemləri yaşayan insanların riskli davranışlarını və ya yanlış inanclarını hər zaman vaxtında aşkar etmir.
Bizimyol.info xəbər verir ki, bu barədə "The Guardian" nəşrində dərc olunan və London Kral Kolleci ilə Britaniya Kliniki Psixoloqlar Assosiasiyasının birgə apardığı araşdırmanın nəticələri məlumat verir.
Tədqiqat çərçivəsində alimlər müxtəlif psixi vəziyyətləri təqlid edən virtual personajlardan istifadə ediblər — yüngül təşviş və OKB-dən tutmuş psixoz və intihar düşüncələrinə qədər. Sadə hallarda "ChatGPT" əsasən düzgün və təhlükəsiz tövsiyələr versə də, mürəkkəb situasiyalarda bəzən zərərli inancları təsdiqləmiş və ya riskli davranışların qarşısını almamışdır.
Məsələn, araşdırmada qeyd olunur ki, bəzi hallarda "ChatGPT" özünü “dahi” və ya “məğlubedilməz” hesab edən istifadəçinin bu inancını tənqid etmədən möhkəmləndirib və potensial təhlükəli addımların qarşısını almaqda kifayət qədər təsirli olmayıb.
Tədqiqatçılar vurğulayırlar ki, "ChatGPT" heç bir halda peşəkar psixoterapiya və ya psixi sağlamlıq üzrə mütəxəssis dəstəyi ilə əvəz oluna bilməz. Kral Psixiatrlar Kollecinin nümayəndəsi Pol Bredlinin sözlərinə görə, psixi sağlamlıq sahəsində kadr çatışmazlığı aradan qaldırılmalı, ciddi yardıma ehtiyacı olan insanlar vaxtında və ixtisaslı dəstək almalıdırlar.
Qeyd edək ki, "ChatGPT"dan özü barədə yazılana münasibətini soruşduqda:
"Oxucuya aydın şəkildə çatdırmaq olar ki, "ChatGPT" real dünyanı “dərk etmir” və insan psixologiyasını qiymətləndirmək qabiliyyətinə malik deyil. "ChatGPT" kimi süni intellekt modelləri məlumatı yalnız mətn nümunələri əsasında emal edir. Onlar insan duyğularını və psixoloji vəziyyətləri dərk edə, klinik diaqnoz qoyub risk qiymətləndirə bilməzlər.
İstifadəçilər xüsusilə psixi sağlamlıqla bağlı məsələlərdə süni intellektin verdiyi cavablara tək mənbə kimi bel bağlamamalıdırlar.
Bu hissə artıq məqalədə var, amma daha aydınlaşdırmaq olar ki, Sİ yalnız əlavə informasiya mənbəyidir, müalicə vasitəsi deyil.
"ChatGPT" tibbi, hüquqi və ya psixoloji qərar vermək üçün nəzərdə tutulmayıb. İstifadəçilər təcili vəziyyətlərdə peşəkar yardım axtarmalıdırlar.
Təhlükəli düşüncə və davranışların daha dəqiq aşkarlanması üçün Sİ sistemlərində təhlükəsizlik alqoritmlərinin təkmilləşdirilməsi üzərində işlər davam edir", - deyə qeyd edib.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
