Misirin Mərkəzində arxeoloqlar təxminən 3500 il əvvələ aid qəbiristanda 13 metrdən uzun, mükəmməl qorunmuş Ölülər Kitabı papirusu aşkar ediblər.
QHT.az xəbər verir ki, yeni Krallıq dövrünə aid bu ərazi yüzlərlə məzar, mumiyalar, sarkofaqlar və ritual əşyalarla antik xəzinəyə çevrilib. Tapılan papirus Misirdə ilk dəfə ilkin dəfn zamanı tam şəkildə aşkarlanan nadir nümunə hesab olunur. Kəşflər arasında baş keşişin qızı Ta-de-İsaya məxsus bəzəkli tabut və zəngin dəfn ləvazimatları da yer alır.
Artefaktlar yaxın günlərdə Böyük Misir Muzeyində nümayiş etdiriləcək və qədim misirlilərin ölümdən sonrakı həyata dair inanclarını yaxından görmək imkanı yaradacaq.
R.İmanov
