ain.az, Gununsesi portalına istinadən məlumatı açıqlayır.
Dünyada silah satışları rekord həddə çatıb.
Gununsesi.info xəbər verir ki, Stokholm Beynəlxalq Sülh Araşdırmaları İnstitutunun (SIPRI) hesabatına görə, dünyanın ən böyük 100 silah istehsalçısının satışları 2024-cü ildə 679 milyard dollara yüksəlib. Bu, ötən illə müqayisədə 5,9% artım deməkdir.
Hesabatda silaha tələbin artmasının əsas səbəbi kimi Ukrayna və Qəzzadakı münaqişələr göstərilir. Ümumilikdə, 2015–2024-cü illər ərzində sektorun gəlirlərinin 26% artdığı bildirilir.
ABŞ silah sənayesində lider mövqeyini qoruyur. Dünyanın ən böyük 100 istehsalçısından 39-u ABŞ-də yerləşir. İlk üçlük isə Lockheed Martin, RTX və Northrop Grummanı əhatə edir.
Avropadakı 26 şirkətin ümumi gəlirləri 13% artaraq 151 milyard dollara çatıb.
İlk 100-lükdə yer alan iki Rusiya şirkəti – Rostec və Birləşmiş Gəmiqayırma Korporasiyasının gəlirləri də artır. Sanksiyalar səbəbindən komponent çatışmazlığı yaşansa da, daxili tələbin yüksəlməsi onların gəlirlərini 23% artıraraq 31,2 milyard dollara çatdırıb.
Hesabata görə, Asiya və Okeaniya regionu isə yeganə azalma qeydə alınan bölgədir. Buradakı 23 şirkətin gəlirləri 1,2% azalaraq 130 milyard dollara düşüb. Bunun əksinə olaraq, Yaponiya və Cənubi Koreya istehsalçıları əsasən Avropanın artan tələbi hesabına satışlarını yüksəldə biliblər.
Yaxın Şərqdə isə ilk 100-lükdə yer alan doqquz şirkətin ümumi gəliri 31 milyard dollardır. Bu məbləğin böyük hissəsi İsrailə məxsusdur. Reytinqdəki üç İsrail şirkətinin gəlirləri 16% artaraq 16,2 milyard dollara çatıb.
Gununsesi.info
Sonrakı hadisələr barədə daha çox məlumat almaq üçün ain.az saytını izləyin.
