Məhəmməd Salah Misir yığmasının qarşıdan gələn Afrika Millətlər Kuboku üçün ilkin heyətinə daxil edilib.
Fanat.Az xəbər verir ki, turnir dekabrın 21-dən yanvarın 18-dək davam edəcək.
Lakin "Liverpul"un ulduzu klubundan daha tez ayrıla bilər - FİFA-nın milli komanda oyunçularından yarışın başlamasına təxminən iki həftə qalmış gəlmələrini tələb etmək hüququ var.
Misir millisi hazırlıq üçün toplanış təşkil etməyi və dekabrın 14-də Nigeriya ilə yoldaşlıq oyunu keçirməyi planlaşdırır. Dekabrın 17-də komanda hazırlıqlarını başa çatdıraraq Mərakeşə yola düşəcək.
"Liverpool Echo"-nun məlumatına görə, "Liverpul" 33 yaşlı cinah oyunçusunu ən azı dekabrın 13-də "Brayton"a qarşı keçirəcəkləri matça qədər saxlamağa ümid edir.
Salahın turnir ərzində Premyer Liqada üç matçı buraxacağı dəqiqdir. O, Misirin turnirdəki irəliləyişindən asılı olaraq İngiltərə çempionatında daha bir neçə oyunu buraxa bilər.
Mirağa
