ain.az bildirir, Moderator.az portalına istinadən.
Xətai rayonu, Seyid Əzim Şirvani küçəsi, 10 ünvanındakı bina illərdir ki, təmirsiz vəziyyətdədir.
Sakinlərin sözlərinə görə, ətrafdakı tikililərdə təmir-bərpa işləri aparılsa da, sözügedən binanın problemləri həll edilmir.
"1981-ci ildən bu binada yaşayıram. Həmin vaxtdan bəri aidiyyəti qurumlar tərəfindən təmir işləri aparılmayıb. Hər şeyi özümüz etmişik", - deyə sakin narazılığını bildirib.
"Beton plitələr uşaqların üstünə qopub tökülür. Yağış yağanda liftə belə su dolur", - başqa bir sakin deyib.
Məsələ ilə bağlı Xətai Rayon İcra Hakimiyyətindən isə məlumat verilib ki, son illər rayon ərazisində bir çox binalar təmir olunub və bu proses davam edir: "Sözügedən çoxmənzilli yaşayış binası da gələcəkdə təmir olunacaq binalar arasındadır".
Daha ətraflı Baku TV-nin süjetində:
Hadisənin gedişatını izləmək üçün ain.az saytında ən son yeniliklərə baxın.
