Cəmil Həsənlinin şahid qismində ifadəsi alındıqdan sonra sərbəst buraxıldığı bildirilir.
Yeniavaz.comxəbər verir ki, bu barədə APA məlumat yayıb.
“Milli Şuranın sədri, sabiq deputat Cəmil Həsənli Prezident Administrasiyasının sabiq rəhbəri Ramiz Mehdiyevlə bağlı Dövlət Təhlükəsizliyi Xidmətində (DTX) davam edən cinayət işi üzrə şahid qismində dindirilmək üçün bu gün DTX-ya çağırılmışdı”, - agentliyin məlumatda deyilir.

***14:15
Milli Şuranın sədri, sabiq millət vəkili Cəmil Həsənli Dövlət Təhlükəsizliyi Xidmətinə (DTX) dəvət olunub.
Yeniavaz.com xəbər verir ki, o, bu barədə sosial şəbəkə hesabında paylaşım edib.
Cəmil Həsənli Ramiz Mehdiyevlə əlaqədar başladılan istintaq işi çərçivəsində DTX-yə dəvət olunduğunu bildirir. O, ölkədən çıxışına “stop” qoyulduğunu bildirib və evində axtarışlar aparılmasını da istisna etməyib.