Bizim media portalından alınan məlumata görə, ain.az xəbər verir.
Azərbaycanda digər un məmulatlarının qiymətlərindən fərqli olaraq şəkər və şirniyyat çeşidləri daha baha qiymətə satılır.
Bu, rəsmi rəqəmlərdə də öz əksini tapıb. Məsələn, paxlavanın kiloqramı 2020-ci ildəki 8.11 manat olduğu halda, son 5 ildə 12.84 manata qədər yüksəlib. Bu ilin əvvəlində “Oreo” məhsul qiymətlərinin 20% artması barədə açıqlama yayıb.
Əlavə olaraq, “Biscolota”, “Eti”, “Ülker” kimi şirniyyat çeşidlərinin qiymətində ötən ilə müqayisədə 10-50 qəpiyə qədər artım müşahidə olunur.Maraqlıdır ki, digər un məmulatları ilə müqayisədə şirniyyat məmulatlarının qiyməti niyə bu qədər bahalaşıb?Mövzu ilə bağlı Bizim.Media-ya danışan iqtisadçı ekspert Akif Nəsirli bildirib ki, şirniyyatların digər un məmulatlarından baha olmasının əsas səbəbi onların tərkibində istifadə olunan xammalın və istehsal prosesinin daha bahalı olmasıdır:“Şirniyyat məhsullarının qiymətini qaldıran əsas faktorlar şəkər, kərə yağı, bitki yağları, kakao, quru meyvə, qoz-fındıq, şokolad kimi xammallardır. Bu məhsullar beynəlxalq bazarda da yüksək qiymətə satılır.
Şəkər bu gün beynəlxalq bazarda qiyməti kəskin artan məhsullar sırasındadır və bu da təbii olaraq, şirniyyat məhsullarının maya dəyərinə təsir göstərir. Bundan əlavə olaraq, qablaşdırma və dizayn xərcləri də şirniyyatlarda qiymət fərqi yaradır.
Nəticədə, xammal bahalığı, bazar strategiyasına uyğunluq, qablaşdırma kimi xərclər şirniyyatların digər sadə un məmulatlarından xeyli baha olmasına gətirib çıxarır”.Naibə Məmmədova, Bizim.Media
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
