Baku TV-nin "O vaxtlar" verilişinin budəfəki qəhrəmanı Şabran sakini Rəna Ağasiyeva olub.
O, Şabranın xınayaxdı adətlərindən söz açıb:
"Bizim dövrümüzdə xınayaxdı məclisləri indikindən fərqli təşkil olunardı. Xına oğlan evi tərəfindən gətirilər, ailəli və xoşbəxt bir qadın onu gəlinin əlinə yaxardı. Keçmişdə bəyi xəlvətcə xınayaxdıya qonaq gətirərdilər. Qız evində onun üçün xonça hazırlanardı. Bəy də həmin xonçaya pul qoyardı. İndi bu adətlər qalmayıb, hazırkı xınayaxdı məclisləri ürəyimcə deyil".
O həmçinin toylarda gəlinlərin açıq-saçıq geyinməsini bəyənmədiyini söyləyib:
"Əvvəllər gəlin salona getməzdi, onu evdə bəzəyərdilər. Başına da kəlağayı örtərdilər. İndi gəlinlər çox açıq geyinirlər. Bədənini niyə başqa kişi görməlidir?! Gəlin ağırbaşlı olmalı, şıdırğı getməməlidir".
Ətraflı videomaterialda:
