Ukrayna Prezident Administrasiyasının istefaya göndərilmiş rəhbəri Andrey Yermak cəbhəyə getmək niyyətində olduğunu bəyan edib.
Publika.az xəbər verir ki, o, bu barədə "New York Post" qəzetinə məktubunda bildirib.
Keçmiş məmur nəşrə emosional mesaj göndərib: “Cəbhəyə gedəcəyəm və istənilən repressiyaya hazıram. Zelenskiyə problem yaratmaq istəmirəm".
Özünü dürüst və vicdanlı insan adlandıran Yermak cəbhəyə nə zaman və hansı formada gedəcəyini açıqlamayıb. O, həmçinin bundan sonra onunla əlaqə saxlamağın mümkün olmaması halında öncədən üzr istəyib.
