ain.az bildirir, Qafqazinfo portalına istinadən.
1998-ci ildə bir səhər dünya səyahətinə başlayan britaniyalı səyyah Karl Buşbi hələ də evinə qayıtmayıb.
“Qafqazinfo” xəbər verir ki, artıq 27 ildir yollarda olan Buşbi planlaşdırdığı marşrutu dəyişən dünya şəraitinə uyğunlaşdıraraq, səyahətinin son mərhələsini başa vurmağa çalışır.
Buşbi səfərə çıxarkən onu 2008-ci ildə tamamlamağı planlaşdırırmış. Lakin illər ərzində yaranan qlobal böhranlar - 2008-ci il maliyyə böhranı, COVID-19 pandemiyası, geosiyasi gərginliklər və viza məhdudiyyətləri onun səfərinə ciddi təsir göstərib və təxirə salınmasına səbəb olub.
“Səyahətin gedişatına maliyyə böhranları, müharibələr, pandemiyalar təsir edir… Sadəcə axına uyğun hərəkət etməli olursan”, – deyə Buşbi bildirib.
O, 2026-cı ilin sentyabr-oktyabr aylarında evinə qayıda biləcəyini gözlədiyini əlavə edib.
Buşbi “Goliath Ekspedisiya” adlandırdığı səyahətini motordan istifadə etmədən həyata keçirir. 2006-cı ildə Berinq boğazını Alyaskadan Rusiyaya piyada gedən səyyah 2024-cü ildə Xəzər dənizini üzərək keçib.
Karl Buşbi dəyişən sosial media mühitinin səyahətinə necə təsir etdiyini də vurğulayıb. Onun sözlərinə görə, o başladığı illərdə sosial media, demək olar ki, mövcud olmayıb.
“O vaxtlar hər şeyi çəkmək və ya lentə almaq kimi bir ehtiyac yox idi… Tamamilə fərqli bir oyun idi”, – deyə o bildirib.
Buşbi uzun müddət “TikTok”a qarşı olduğunu, lakin zamanla sosial medianın gücünü mənimsədiyini deyib.
Hadisənin gedişatını izləmək üçün ain.az saytında ən son yeniliklərə baxın.
