ain.az, Qafqazinfo portalına istinadən məlumat yayır.
1981-ci ildə Vatikan şəhərində Papa II İohann Pavelə sui-qəsd cəhdi ilə tanınan Mehmet Ali Ağca katoliklərin yeni lideri Papa XIV Leo ilə görüşmək məqsədilə Bursanın İznik rayonuna səfər edib.
“Qafqazinfo” Türkiyə LİV-ə istinadən xəbər verir ki, M.A.Ağca bəyanat verərək, Papa ilə görüşmək istədiyini bildirib və bir müddət sonra İznikdən ayrılıb.
Ağca 1 fevral 1979-cu ildə “Milliyet” qəzetinin baş redaktoru Abdi İpekçini qətlə yetirdikdən sonra həbsdən qaçmış, 13 may 1981-ci ildə isə Vatikana qanunsuz daxil olaraq, Papa II İohann Pavelə sui-qəsdə cəhd etmişdi. Sonradan II İohann Pavel tərəfindən əfv edilən Ağca indi Papa XIV Leo ilə görüşmək üçün təşəbbüs göstərdiyini deyib.
Ağca açıqlamasında görüşün İznikdə və ya İstanbulda baş tuta biləcəyini bildirib. O, uzun illərdir səhv başa düşüldüyünü iddia edərək, “ilahi bir planın mərkəzində olduğunu” vurğulayıb.
Mehmet Ali Ağca İznikə gəlsə də, Papa XIV Leo ilə görüş əvvəlcədən planlaşdırılmadığından baş tutmayıb. Məlumata görə, Ağca rayondan ayrılmasının daha uyğun olacağı barədə mesaj aldığını bildirib və İznikdən uzaqlaşıb.
Sonrakı hadisələr barədə daha çox məlumat almaq üçün ain.az saytını izləyin.
