BAKI, 28 noyabr. TELEQRAF
Ukrayna suverenliyini onu qorumaq adı altında tam şəkildə itirib.
Teleqraf xəbər verir ki, bu barədə Gürcüstan parlamentinin sədri Şalva Papuaşvili bildirib.
O deyib ki, Ukrayna Prezident Administrasiyasının rəhbəri Andrey Yermakla bağlı aparılan axtarışların yerli qurumların qərarı olmadığını düşünür:
"Necə düşünürsünüz, Yermakın ofisində axtarışları kim aparır? Ukrayna qurumları? Əlbəttə ki, yox. Bu, xarici dövlətin dövlət institutlarına təsirinin bariz nümunəsidir. Dövlət institutlarına müəyyən şəxslərin yerləşdirilməsi və həmin institutlar vasitəsilə ölkələrin idarə olunmasıdır. Bu gün Ukrayna nə müharibənin başlanması və dayandırılması, nə də kimi saxlayıb-azad edəcəyi ilə bağlı qərar verə bilir. Bizim son günlər izlədiyimiz faciə də elə bundadır, guya suverenlik uğrunda mübarizə apararaq suverenliklərini tam şəkildə itiriblər".
Ş. Papuaşvil əlavə edib ki, Ukraynada xarici qüvvələr Milli Antikorrupsiya Bürosu və İxtisaslaşdırılmış Antikorrupsiya Prokurorluğu vasitəsilə ölkə rəhbərliyində kimi istəyirlərsə, saxlayır və ya azad edirlər.
