Bu gün səhər saatlarında Ukrayna Prezident Ofisinin rəhbəri Andrey Yermakın hökumət məhəlləsindəki mənzilində axtarış aparılır.

Reyting.az xəbər verir ki, bu barədə Ukrayna KİV-ləri məlumat yayıb.

Məlumata görə, axtarış "Mindiç işi" üzrə Ukrayna Milli Antikorrupsiya Bürosu (NABU) və Ukraynanın Korrupsiyaya Qarşı Mübarizə üzrə İxtisaslaşdırılmış Prokurorluğunun (SAP) əməkdaşları tərəfindən aparılır.

Qeyd edək ki, Ukrayna Ali Radasının “Avropa Həmrəyliyi” Partiyasından deputatı Aleksey Qonçarenko bildirib ki, NABU Milli Təhlükəsizlik və Müdafiə Şurasının (SNBO) katibi, keçmiş müdafiə naziri Rustem Umerova qarşı araşdırma aparır. Parlamentarinin sözlərinə görə, o, dövlət vəsaitlərini mənimsəməkdə ittiham olunur.

NABU son bir həftə ərzində enerji sahəsində korrupsiya işinin araşdırılması, o cümlədən danışıqların dinlənilməsi barədə məlumatları açıqlayıb. Bu işdə əsas fiqur Zelenskinin keçmiş tərəfdarı, “Kvartal 95” studiyasının ortaq sahibi Timur Mindiçdir.

NABU və SAP Yermakın mənzilində axtarış aparıldığını təsdiqləyib.

V. QULİYEV